Энди банкдан паспортсиз 500 долларгача пул олиш мумкин

Эндиликда банкдан шахсни тасдиқловчи ҳужжатларсиз 500 долларгача нақд чет эл валютасини олиш мумкин бўлади. Бу ҳақда бугун, 8 май куни давлат рўйхатидан ўтказилган Адлия вазирлиги ташаббуси билан ишлаб чиқилган идоравий ҳужжатда сўз боради.

Унга кўра, мижозни тегишли тартибда текшириш чоралари ўз ичига мижознинг шахсини идентификация қилиш ва тасдиқлашни, шунингдек, унинг номидан ҳаракат қилаётган шахснинг шахси ва ваколатларини текширишни қамраб олади. Амалдаги тартибга кўра, 100 АҚШ долларгача бўлган суммада бу кўринишдаги тасдиқлов талаб қилинмас эди.

Эндиликда мижозлар банкдан 500 АҚШ долларигача бўлган нақд чет эл валютасини паспорт, ID-карта ёки уларнинг ўрнини босадиган бошқа ҳужжатларсиз олишлари мумкин бўлади.

Мазкур янги тартиб 3 ойдан кейин кучга кириши белгиланган.

Эслатиб ўтамиз, аввалроқ ҳудди шу мазмундаги лойиҳа Марказий банк томонидан таклиф этилгани ҳақида хабар берилган эди.

Ойбек Рустамов