Электрошокер ва электродубинкалар. Ички ишлар ходимлари янги қуролдан қандай вазиятда фойдаланади?

Жамият 7420
image

Ўзбекистонда Ички ишлар вазирлиги деярли барча маҳаллий бўлинмаларини электр токи уриш мосламалари (ЭШУ) билан жиҳозлади. Бу ҳақда вазирлик Матбуот хизмати QALAMPIR.UZ’га хабар берди.

Ички ишлар органлари ходимларига патруль ва қоровуллик вазифаларини бажариш, шунингдек, жамоат тартибини таъминлаш учун электрошокерлар, электродубинкалар ва электр тўппончалар берилмоқда.

Қайд этилишича, ҳуқуқни муҳофаза қилиш органи ходими томонидан махсус воситалардан, шу жумладан ЭШУдан фойдаланиш тартиби Ўзбекистоннинг “Ички ишлар органлари тўғрисида”ги қонуни, шунингдек, Ички ишлар вазирлигининг тегишли кўрсатмаси билан белгиланади.

Маълум қилинишича, ЭШУдан фойдаланишга ИИВ томонидан тасдиқланган ва Соғлиқни сақлаш вазирлиги билан келишилган махсус тайёргарликдан ўтганлигини белгиловчи сертификатни олган ходимларга рухсат берилади.

Ички ишлар органлари ходими ўзига ёки фуқарога қилинган ҳужумни қайтаришда, жиноятни ёки ҳуқуқбузарликни бостиришда, жиноятда ушланган ва қочишга уринишда, қўлга олинган фуқаролар ва биноларни озод қилишда ҳамда оммавий тартибсизликларни бостиришда ЭШУдан фойдаланиши мумкин.

Ички ишлар ходимлари Россиянинг “Март групп” заводи томонидан ишлаб чиқарилган ЭШУ мосламалари билан қуроллантирилади.

Фаррухжон Муродқулов
Мақолага баҳо беринг
Баҳолаганлар: 230
Рейтинг: 3.2
t
×