Эгнида тўн, кўзида ёш... Қашқадарёликлар Зойир Мирзаевни янги лавозимга кузатди

Хабарингиз бор, бугун, 18 ноябрь куни Қашқадарё вилояти ҳокими Зойир Мирзаев эгаллаб турган лавозимидан озод этилди. У эндиликда Тошкент вилоятига ҳоким бўлиш арафасида.

Қашқадарё ҳокимлиги Матбуот хизмати Зойир Мирзаевнинг вилоят фаоллари билан хайрлашув сўзларини эълон қилди.

“Зиёлиларимиз, ёшларимиз, сектор раҳбарларимиз, шаҳар ва туманлар ҳокимлари ҳаммамиз бир жамоа бўлиб ишладик. Бу “команда”да икки хил фикрда ёки аравани икки томонга тортиб ишлаб бўлмаслигини тушуниб етдик. Бу жамоани раҳбари Президент Шавкат Мирзиёев икки хил фикрлилик бўлмаслиги кераклигини айтди. Ишонч учун Президентга миннатдорлик билдирган ҳолда Қашқадарё халқига қандай фарзанд бўлиб келган бўлсак, худди шундай кетяпмиз. Бир дунё ака-ука, она-оталар ва тенгдошлар – ҳамфикрлар ҳаммангиздан миннатдорман, соғ-саломат бўлинг”, дея кўзда ёш билан хайрлашган Зойир Мирзаев қашқадарёликлар билан.

Уни янги лавозимга кузатиш давомида вилоят фаоллари Мирзаевга тўн кийдириб, хайрлашган.

Маълумот ўрнида, Қашқадарё вилоятига бугунгача Давлат божхона қўмитаси раиси бўлган Муроджон Азимов ҳоким этиб тайинланди.