Деновдаги савдо мажмуаларининг бирида ёнғин чиқди
Жамият
−
24 Февраль 2020 6125
Бугун, 24 февраль куни Сурхондарё вилояти, Денов туманида жойлашган савдо мажмуасининг 2-қаватида ёнғин содир бўлган. Бу ҳақида Фавқулодда вазиятлар вазирлиги Матбуот хизмати хабар бермоқда.
Ҳодиса шу куни соат 05:37 да бошланган. Маълумотларга кўра, савдо мажмуаси туманнинг “Баҳористон” маҳалласи, Мустақиллик кўчаси, 79-уйда жойлашган бўлиб, ЯТТ “Aллаев Хайдархон Тўхтаевич”га тегишли бўлган. Ёнғин оқибатида 18 та савдо обйектлари, умумий майдони 630 м.кв қисми ёнғиндан зарарланган.
Таъкидланишича, воқеа жойига Сурхондарё вилояти фавқулодда вазиятлар бошқармасининг 7 та ёнғин-қутқарув экипажи етиб борган. Қутқарувчиларнинг олиб борган тезкор ҳаракатлари натижасида бинонинг 1680 м.кв қисми ёнғиндан сақлаб қолинган.
“Ёнғин сабаби ва моддий зарари аниқланмоқда. Тан жароҳати олганлар йўқ”, дейилади хабарда.
Live
Барчаси
