Дам олиш кунлари қуруқ об-ҳаво сақланиб қолади
Бу қизиқ
−
15 Сентябрь 2023 2635
Бугун ва дам олиш кунлари Республиканинг барча ҳудудларида кам булутли ва қуруқ об-ҳаво сақланиб туради. Бу ҳақда Ўзгидромет хабар берди.
Қайд этилишича, шамол шарқдан ўртача эсади, фақат чўл ҳудудларида 13-18 м/с гача кучайиши, айрим жойларда чанг-тўзон билан кузатилиши мумкин. Кечаси ва эрталаб кузги салқинлик сезилиб туради, ҳарорат 13-18 даража атрофида бўлади. Кундуз кунлари эса ҳаво 25-30 даражагача исийди.
"Республиканинг айрим тоғли ҳудудларида 16-17 сентябрь кунлари бироз ёмғир ёғиши мумкин. Пойтахт Тошкентда эса 15-17 сентябрь кунлари ҳаво бироз булутли бўлади, ёғингарчилик кутилмайди. Шамол шарқдан 3-8 м/с тезликда эсади. Ҳарорат кечалари 15-17 даража илиқ, кундуз кунлари 27-29 даража иссиқ бўлади", дейилади хабарда.
