Дам олиш кунлари чанг-тўзон ва 35 даража иссиқ бўлиши кутиляпти

Бу қизиқ 5418
image
-

Бугун, 8 апрель куни Ўзбекистоннинг катта қисмида илиқ ва қуруқ об-ҳаво бўлиши кутилмоқда, фақат Қорақалпоғистонда ва кечга томон Бухоро вилоятида баъзи жойларда қисқа муддатли ёмғир ёғиши, момақалдироқ бўлиши мумкин. Бу ҳақда Гидрометеорология хизмати маркази хабар берди.

Шимолда ва чўл ҳудудларда шамол тезлиги 17-22 м/с гача кучайиши, чанг-тўзон бўлиши мумкин, шунингдек, шамол тезлиги 23-25 м/с гача кучайиши эҳтимоли бор. Ҳаво ҳарорати куннинг ўртасига келиб, республика бўйича 28-30 даражани ташкил этади, бу меъёрдан 8-10 даражага юқори бўлади.

9 апрелга ўтар кечаси Ўзбекистон ҳудудига Туркманистондан зич булут қатламлари кириб келиши кутилмоқда, бунинг ҳисобига Навоий, Тошкент, Самарқанд, Жиззах, Сирдарё вилоятларида кечаси баъзи жойларда момақалдироқ билан қисқа муддатли ёмғир ёғади. Республиканинг тоғ олди ва тоғли ҳудудларида кун давомида баъзи жойларда қисқа муддатли ёмғир ёғиши, момақалдироқ бўлиши мумкин. Ҳаво ҳарорати 28-30 даража атрофида бўлиши сақланиб туради

Якшанба куни республика бўйича ёғингарчилик кутилмайди, фақат Қорақалпоғистонда ва Хоразм вилоятида беқарор об-ҳаво кузатилади, баъзи жойларда қисқа муддатли ёмғир ёғиши, момақалдироқ бўлиши мумкин. Кундузи ҳарорат 30-35 даражагача кўтарилади.

Дам олиш кунлари республика бўйича баъзи жойларда шамол тезлиги 17-22 м/с гача кучайиши, чанг тўзон бўлиши мумкин.

Суннатилла Абдуллаев
Мақолага баҳо беринг
Баҳолаганлар: 131
Рейтинг: 3
Теглар
t
×