Centrum Air компанияси Истанбул–Тошкент рейси кечиккани сабабини маълум қилди
Business
−
14:44 915 1 minute
17 сентябрь куни Centrum Air авиакомпаниясининг C6 302 Истанбул–Тошкент рейси 3 соатдан ортиқ кечикди. Авиакомпания мазкур ҳолат юзасидан расмий изоҳ берди.
Компания маълумотига кўра, самолётни парвозга тайёрлаш жараёнида қўшимча техник текширув зарурати аниқланган. Шу муносабат билан барча текширувлар якунлангунига қадар рейсни кечиктиришга қарор қилинган.
Таъкидланишича, рейс вақти ўзгаргани ҳақида йўловчиларга SMS ва электрон почта орқали хабар берилган, шунингдек, авиакомпаниянинг расмий каналларида ҳам эълон қилинган.
Компания 2026 йил август–сентябрь ойларида рейсларнинг 80 фоизи жадвалга мувофиқ амалга оширилганини маълум қилди. Айрим кечикишлар, жумладан, C6 302 рейсидаги ҳолат ҳам парвоз хавфсизлиги ва техник хизмат кўрсатиш талаблари билан боғлиқ экани айтилмоқда.
Авиакомпания йўловчиларга етказилган ноқулайлик учун узр сўраб, компенсация чоралари, шартлари ва тартиби расмий веб-сайтда жойлаштирилганини билдирди.
Centrum Air матбуот хизмати
