Буюк Британияда пандемия “пик” нуқтага чиқди

Бутун дунёга тарқалган коронавирус пандемияси Буюк Британияда чўққига чиқди. Бу ҳақда Англия Бош санитария шифокори Крис Уитти маълум қилди.

"Буюк Британияда вазият ёмонлашаётганини кўрябмиз. Биз пандемиянинг чўққисида турибмиз. Мавсумий касалликлар авж оладиган совуқ қиш олдидан вирус тарқалишини назорат қилишимиз зарур", деган Уитти. 

Эртага, 22 сентябрь куни Буюк Британия Бош вазири Борис Жонсоннинг халққа телевизион мурожаат билан чиқиши кутиляпти. Унда вазир ўз ватандошларига сўнгги огоҳлантиришни беради: ёки халқ коронавирус билан боғлиқ эҳтиёт чораларига қатъий риоя қилиши шарт, ёки яна кучайтирилган карантин жорий этилади.

Кеча, 20 сентябрь куни мамлакатда 3 минг 899 киши коронавирус юқтирганлиги эълон қилинди. Ундан олдин, икки кун кетма-кет бу кўрсаткич 4 мингдан ошганди. Бу 8 майдан бери энг юқори кўрсаткич бўлди. Айни вақтда мамлакатда коронавирус юқтириб олганлар 394 257 нафарни ташкил этмоқда. Мамлакат ўрин кўрсаткичи бўйича юқори ўринларда бормоқда. Бугунгача хавфли вирусдан вафот этганлар 41 777 нафарга етган. Соғайиш кўрсаткичи билан боғлиқ статистик маълумотлар эса яширилмоқда.