Бухорода содир бўлган ЙТҲда Damas ағдарилди (видео)
Жамият
−
21 Апрель 2023 8575
Бухоро вилоятида Matiz ва Damas автомобиллари тўқнашиб, оқибатда Damas ағдарилиб кетган. Ижтимоий тармоқларда тарқалган видеода Matiz автомобили Ўзбекистон Республикаси мудофаасига кўмаклашувчи “Ватанпарвар” ташкилотига тегишли экани акс этган. Ҳолат юзасидан Бухоро вилояти ИИБ ахборот хизмати маълумот берди.
Келтирилишича, шу йилнинг 20 апрель куни тахминан соат 11:00 ларда Бухоро вилоятининг Шофиркон тумани “Шофирконшоҳ" кўчаси ва “Навоийшоҳ” кўчалари кесишмасидаги чорраҳадан ҳаракатланиб ўтаётган Matiz ва Damas русумли автомашиналар тўқнашиб, йўл транспорт ҳодисаси содир бўлган.
Мазкур тўқнашув натижасида ҳеч ким тан жароҳати олмаган, фақатгина транспорт воситаларига моддий шикаст етган.
Ҳозирги вақтда ҳолат юзасидан терговга қадар текширув ҳаракатлари олиб борилмоқда.
Live
Барчаси
