Бугун Тошкентнинг икки туманида “свет” ўчирилади

Бугун, 3 июнь куни Пойтахтнинг Яшнобод ҳамда Чилонзор туманларининг айрим ҳудудларида электр энергияси таъминотида узилишлар кузатилади. Бу ҳақда Тошкент шаҳар ҳокимлиги Матбуот хизмати хабар берди.

Унга кўра, бугун Тошкент шаҳрининг Яшнобод ҳамда Чилонзор туманлари ҳудудидаги айрим аҳоли яшаш хонадонлари ҳамда кичик тадбиркорлик субъектларида электр энергияси соат 18:00 га қадар ўчирилади.

Истеъмолчиларга сифатли ва барқарор электр энергияси етказиб берилишини таъминлаш, шунингдек, электр тармоқларида содир бўлиши мумкин бўлган авария ҳолатларининг олдини олиш, ҳамда таъмирлаш ишларини хавфсиз бажариш мақсадида:

• Яшнобод тумани “Миришкор” МФЙнинг Илғор шоҳ, Толариқ, Масжид ҳамда Дархон кўчалари ҳудудидаги аҳоли яшаш хонадонларида;
• Чилонзор туманининг Афшона, Илғор, Чўпон ота кўчалари ҳудудидаги аҳоли яшаш хонадонларида электр энергияси вақтинчалик ўчирилди.

Шунингдек, ҳокимлик хабарида “Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр энергияси таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрашини айтиб ўтган.