Бугун Тошкентдаги қатор кўчалар вақтинча ёпилади

Бугун, 19 август куни Конья шаҳрида (Туркия) бўлиб ўтган V Ислом бирдамлиги ўйинларида иштирок этган Ўзбекистон делегацияси кутиб олиниши муносабати билан Тошкентдаги қатор кўчалар вақтинча ёпилади.

Ўзбекистон делегациясини кутиб олиш мақсадида соат 18:00 дан 23:00 гача бўлган вақтда пойтахтнинг қуйидаги кўчалари автомобиллар ҳаракати учун ёпилади:

•    Тошкент халқаро аэрапортидан Қумариқ ва Содиқжон Толипов кўчалари бўйлаб Нукус кўчасигача;
•    Нукус кўчасидан унинг Ойбек кўчаси билан кесишмасигача;
•    Ойбек ва Афросиёб кўчаларидан Афросиёб кўчасининг Шароф Рашидов кўчаси билан кесишмасигача;
•    Шароф Рашидов кўчаси бўйлаб унинг Навоий шоҳ кўчаси билан кесишмасигача;
•    Навоий шоҳ кўчаси бўйлаб унинг Амир Темур шоҳ кўчаси билан  кесишмасигача;
•    Амир Темур шоҳ кўчаси бўйлаб унинг Ислом Каримов кўчаси билан кесишмасигача;
•    Ислом Каримов кўчаси бўйлаб унинг Ботир Зокиров кўчаси билан кесишмасигача;
•    Ботир Зокиров кўчасидан Пахтакор кўчаси 79-уйгача. 

Ҳайдовчилардан вақтинча айланма йўллардан фойдаланишлари сўралган.