Бу йил Ўзбекистон тарихидаги энг иссиқ куз бўлди – Ўзгидромет

2023 йилда Ўзбекистонда метеорологик кузатувларнинг барча йиллари учун энг иссиқ куз кузатилди. Бу ҳақда Ўзгидромет хабар берди.

Синоптикларнинг айтишича, ноябрь ойида метеорологик кузатувларнинг барча йиллари учун энг иссиқ ҳарорат қайд этилган. Ҳавонинг ўртача статистик ҳарорати кескин ўзгариб туриши ноябрь ойи учун хосдир. 

"Аммо бошқа йиллардан фарқи – бу ўзгаришлар юқори ҳарорат фонида содир бўлди. Ойнинг катта қисмида ҳаво ҳарорати ўртача кўп йиллик қийматларга нисбатан юқори бўлди ва фақат совуқ даврда иқлимий меъёргача пасайди. Барча ҳудудларда ҳарорат меъёридан 3−6 даражага кўп бўлди", дейилади ҳисоботда.

Маълумотларга кўра, энг иссиқ кунларда максимал ҳаво ҳарорати 23-28 даражагача етган. Минимал ҳарорат фақат республиканинг шимолида салбий қийматларгача пасайган.

"Бу ойнинг бошидан охиригача ҳарорат тез пасаяди, чунки ноябрь ойининг охири қиш мавсумига туташади. Республика ҳудудининг катта қисмида ойнинг биринчи ярмида кундузги ҳарорат одатда 15-20 даража, иккинчи ярмида эса 10-15 даража атрофида бўлди", дейилади хабарда.

2023 йилнинг ноябрида бундай тенденциялар кузатилмади, ойнинг бошида ҳам, охирида ҳам ҳароратнинг юқори қийматлари кузатилди. Республика бўйича нисбатан қуруқ ҳаво бўлди, ёғингарчилик кам ва меъёр атрофида бўлди.

Ушбу ойда 2023 йилнинг куз мавсумидаги энг юқори, меъёридан 3−6 даража иссиқ бўлди. Октябрь ойи эса ўртача ҳарорат меъёридан 1,5−2,5 даража юқори, сентябрь эса ўртача кўп йиллик қийматларга яқин бўлган.