Британиядан оғир қадам: уруш майдонидаги 12 муҳим шахс қора рўйхатга кирди

Буюк Британия Россиянинг Украина инфратузилмасига берган зарбаларига жавобан Россиянинг 12 йирик ҳарбий етакчиси, уч эронлик бизнесмен ва амалдор ҳамда бир Эрон компаниясига қарши санкциялар киритди. Бу ҳақда Буюк Британия Ташқи ишлар вазирлиги бугун, 13 декабрь куни эълон қилган санкциялар рўйхатида айтилган. 

Буюк Британияга киришни тақиқлашни ва активлар топилган тақдирда уларни музлатишни назарда тутувчи чеклов чоралари, Ҳаво-десант кучлари қўмондони, генерал-полковник Михаил Теплинский, Стратегик ракета қўшинлари қўмондони, генерал-полковник Сергей Каракаев, Россия Федерацияси Қуролли Кучлари Ракета қўшинлари ва артиллерия қўшинлари бошлиғи, генерал-лейтенант Михаил Матвеевский, Россия Федерацияси Мудофаа вазирлиги Ракета ва артиллерия бош бошқармаси бошлиғи Николай Паршин, Шарқий ҳарбий округнинг 35-қўшма қуролли армияси қўмондони Александр Санчик, шунингдек, Буюк Британия Ташқи ишлар вазирлиги маълумотларига кўра, Россия Қуролли Кучларининг асосий компьютер марказини бошқарадиган генерал-майор Роберт Барановга нисбатан жорий этилди.

Шунингдек, Россиянинг "Ғарбий" гуруҳи штаб бошлиғи генерал-лейтенант Михаил Зусько, 3-моторли милтиқ дивизияси командири, генерал-майор Алексей Авдеев, РФ Қуролли Кучлари Бош штабининг учувчисиз авиация бошқармаси бошлиғи, генерал-майор Александр Новиков, 144-мотоўқчилар дивизияси қўмондони, генерал-майор Олег Цоков, 1-танк армиясининг ракета қўшинлари ва артиллерия қўшинлари бошлиғи полковник Георгий Шуваев ва 4-танк дивизияси қўмондони полковник Евгений Журавлев ҳам қора рўйхатга киритилган. 

Эроннинг “Oje Parvaz Mado Nafar Company” ширкати, унинг раҳбари Юсуф Абутолибий, Эрон Авиация саноати ташкилоти раҳбари Афшин Хўжа Фард ва Ислом инқилоби қўриқчилари корпуси бригада генерали Абдуллоҳ Меҳробий ҳам Лондон чекловлари остида қолган. 

Умуман олганда, Британия Ташқи ишлар вазирлиги маълумотларига кўра, Россиянинг Украинадаги босқинига жавобан Лондон Россиянинг 1200 нафар фуқароси ва 120 дан ортиқ Россия компаниясига нисбатан санкциялар киритган.