Britancha trilogiya yohud Fyuri va Chisoraning navbatdagi jangi sanasi ma’lum bo‘ldi

Top Rank promouterlik kompaniyasi boks bo‘yicha og‘ir vaznda Derek Chisora WBC chempioni Tayson Fyuriga qarshi jang o‘tkazishini e’lon qildi.

Joriy yilning 3 dekabr kuni Fyuri Londondagi "Tottenham Hotspur" stadionida Chisoraga qarshi uchinchi marta ringga ko‘tariladi.

Ma’lumot uchun, shu vaqtga qadar Tayson Fyuri Chisorani ikki marta mag‘lub etgan. 2011 yilda hakamlar bir ovozdan Fyurining g‘alabasini tasdiqlagan bo‘lsa, 2014 yildagi jangda o‘ninchi raunddan keyin Chisora bahsni davom ettirishdan bosh tortgandi.

Ta’kidlash joizki, Fyuri profboksda hali mag‘lubiyatga uchragani yo‘q. U faoliyati davomida 32 ta jangda g‘alaba qozongan. 23 ta jangni nokaut bilan yakunlagan bo‘lsa, 1 ta bahsda durangga imzo chekkan. Profboksda 45 marta ringga ko‘tarilgan Chisora 33 ta jangda g‘alaba qozongan, 12 ta to‘qnashuvda esa mag‘lubiyatga uchragan,

Eslatib o‘tamiz, markaziy jangda og‘ir vazn toifasida WBA yo‘nalishi chempioni britaniyalik Daniel Dyubua Janubiy Afrika vakili Kevin Lerenaga qarshi to‘qnashuvda o‘z chempionlik unvonini himoya qiladi.

Shaxzod Shukurov