Британча трилогия ёҳуд Фюри ва Чисоранинг навбатдаги жанги санаси маълум бўлди

Top Rank промоутерлик компанияси бокс бўйича оғир вазнда Дерек Чисора WBC чемпиони Тайсон Фюрига қарши жанг ўтказишини эълон қилди.

Жорий йилнинг 3 декабрь куни Фюри Лондондаги "Tottenham Hotspur" стадионида Чисорага қарши учинчи марта рингга кўтарилади.

Маълумот учун, шу вақтга қадар Тайсон Фюри Чисорани икки марта мағлуб этган. 2011 йилда ҳакамлар бир овоздан Фюрининг ғалабасини тасдиқлаган бўлса, 2014 йилдаги жангда ўнинчи раунддан кейин Чисора баҳсни давом эттиришдан бош тортганди.

Таъкидлаш жоизки, Фюри профбоксда ҳали мағлубиятга учрагани йўқ. У фаолияти давомида 32 та жангда ғалаба қозонган. 23 та жангни нокаут билан якунлаган бўлса, 1 та баҳсда дурангга имзо чеккан. Профбоксда 45 марта рингга кўтарилган Чисора 33 та жангда ғалаба қозонган, 12 та тўқнашувда эса мағлубиятга учраган,

Эслатиб ўтамиз, марказий жангда оғир вазн тоифасида WBA йўналиши чемпиони британиялик Даниэль Дюбуа Жанубий Африка вакили Кевин Леренага қарши тўқнашувда ўз чемпионлик унвонини ҳимоя қилади.

Шахзод Шукуров