“Боруссия” Xоланднинг собиқ жамоасидан унга ўринбосар топди

Дортмунднинг “Боруссия” клуби “Зальцбург” ҳужумчиси Карим Адейеми билан 5 йиллик шартнома имзолайди. Журналист Фабрицио Романонинг сўзларига кўра, ҳозирча барча тафсилотлар маълум қилинмаган, аммо немис клуби 19 ёшли футболчини қўлга киритиш устида жиддий ишламоқда. 

Олдинроқ Дортмунд клуби Адейеми трансфери учун Австрия клубига 35 миллион евро тўлаши хабар қилинган эди.

Германиялик ҳужумчининг “Зальцбург” билан амалдаги шартномаси 2024 йилнинг ёзида ўз якунига етади. 

“Тransfermarkt” портали футболчининг нархини 20 миллион еврога баҳоламоқда. 2021/22 йилги мавсумда Адейеми Австрия клуби сафида барча мусобақаларда 29 та ўйин ўтказиб, 18 та гол уришга муваффақ бўлди.

Немис клуби Адейемини жамоани тарк этишга яқин турган Эрлинг Холандга ўринбосар сифатида кўрмоқда. Эслатиб ўтамиз, норвегиялик форвард ҳам 2020 йилда "Боруссия" сафига айнан "Зальцбург"дан келиб қўшилган.

Шахбоз Қаҳҳоров