Блогер TikTok'даги жонли эфир вақтида онаси ва бувисини калтаклади (видео)

Россиянинг Волгоград шаҳрида блогер TikTok'даги жонли эфир вақтида онаси ва бувисини калтаклади. Ҳозирда йигитга нисбатан ҳуқуқ-тартибот идоралари ходимлари томонидан текширув бошланди. Бу ҳақда маҳаллий нашрлар ёзмоқда. 

Қайд этилишича, йигитнинг онаси ва бувиси унга баланд мусиқа сабаб танбеҳ берган. Йигит бунга ҳақорат билан жавоб қайтарган. Кейин эса "тиктокер" онасига ташланиб, уни ура бошлаган. Шу орада хонага унинг бувиси кириб, аёлга ёрдам бермоқчи бўлган. Бироқ, кекса аёл набирасини тўхтата олмаган, йигит эса уларни уриб, хонада улоқтира бошлаган. Натижада кекса аёл йиқилган ва ёрдам сўраб, бақиришни бошлаган. Она эса йигитга полицияга қўнғироқ қилишини айтган.

Айтиш жоизки, “тиктокер”нинг аккаунти ҳозирда мавжуд эмас. Унинг обуначилари эса йигитнинг қилиғини қоралашган.

Маълумот ўрнида, бу ҳуқуқ-тартибот идоралари эътиборини тортган биринчи ҳолат эмас.Аввалроқ ҳам йигит билан боғлиқ шов-шувли видео ижтимоий тармоқларда тарқалган. Унда йигит ғалати ҳолатда аёллар билан урушаётгани ва уларнинг қичқириқлари эшитилган. Йигитнинг ўзи ҳам кейинчалик бувиси билан баъзида жанжаллашиб туришини айтган.