“Барселона” ўтган йилнинг октябрь ойидан буён мағлубият нималигини билмаяпти
Спорт
−
17 Февраль 2023 2565
17 февраль куни Европа лигаси плей-офф ўйинида “Барселона” Англиянинг “Манчестер Юнайтед” жамоасига қарши баҳс олиб борди ва учрашув 2:2 ҳисобида якунланди. Шундай қилиб “Барселона”нинг мағлубиятсиз серияси 17 та ўйинга етди. Бу ҳақда “Opta” нашри хабар берди.
Каталония клуби сўнгги марта 2022 йилнинг 26 октябрь куни Европа Чемпионлар лигаси доирасида “Бавария”га қарши баҳсда ютқазганди (0:3). Ўша ўйиндан бери ҳозиргача “кўк-анорранглилар” 15 та ғалаба ва 2 та дуранг қайд этди.
“Барселона” навбатдаги ўйинини 19 февраль куни Ла Лига доирасида “Кадис”га қарши ўтказади. МЮга қарши Европа лигаси жавоб ўйини эса 24 февраль куни бўлиб ўтади.
Эслатиб ўтамиз, аввалроқ “Барселона”-МЮ баҳси Европа лигаси рекордини янгилагани хабар қилинганди. Ушбу ўйинни томоша қилиш учун “Камп Ноу” стадионига 90 мингдан ортиқ мухлис йиғилганди.
Live
Барчаси