“Барселона” мураббийлиги учун асосий номзод маълум бўлди

“Жирона” бош мураббийи Анхель Мичел “Барселона” бош мураббийи лавозимида Хави ўрнини эгаллаши мумкин. Бу ҳақда футбол журналисти Франсуа Галлардо ўз X саҳифасида маълум қилди.

Манбага кўра, Мичелнинг агенти октябрь ойидан бери “Барселона” вакиллари билан учта учрашув ўтказган. “Кўк-анорранглилар”нинг ўйинида ҳеч нарса ўзгармаса, у 2024/2025 йилги мавсумда “Барселона” бош мураббийи бўлади. Мавсум тугамасдан Хави ишдан бўшатилса, Мичел келгунига қадар “Барселона Б”да ишлайдиган Рафа Маркес асосий жамоада вақтинчалик мураббий вазифасини бажаради.

Испания чемпионатининг 16-туридан кейин “Барселона” 34 очко билан турнир жадвалида 3-ўринни эгаллаб турибди. Жамоа пешқадам “Жирона”дан 7 очко ортда қолмоқда.

14 декабрга ўтар кечаси жамоа Европа Чемпионлар лигасининг охирги турида сафарда “Антпервен” билан куч синашиб, 3:2 ҳисобида имкониятни бой берди, лекин шундай бўлишига қарамай жамоа гуруҳда биринчи ўринни эгаллаб, турнирнинг плей-офф босқичига йўлланма олди.