Baku Tog‘li Qorabog‘ni blokirovka qilishni oldindan rejalashtirgan – Rasmiy Yerevan

Ozarbayjon Tog‘li Qorabog‘da gumanitar inqirozni yuzaga keltirish uchun uni to‘sib qo‘yishni oldindan rejalashtirgan. Bu haqda Armaniston Tashqi ishlar vaziri vazifasini bajaruvchi Mnatsakan Safaryan mamlakatda akkreditatsiyadan o‘tgan xorijiy diplomatlar bilan uchrashuvda aytgan. 

“Armaniston Tashqi ishlar vaziri vazifasini bajaruvchi Mnatsakan Safaryan o‘z nutqida Ozarbayjonning so‘nggi kunlardagi harakatlari, jumladan, Lochin yo‘lagida bir qator shunga o‘xshash hodisalar, o‘t ochishni to‘xtatish tartibini doimiy ravishda buzish, Tog‘li Qorabog‘ga gaz yetkazib berishda uzilishlar sodir bo‘layotganini yaqqol ko‘rsatayotganini ta’kidladi. Lochin koridorini qurish Ozarbayjon hukumati tomonidan oldindan rejalashtirilgan va Tog‘li Qorabog‘da gumanitar inqirozni yuzaga keltirishga qaratilgan”, deyiladi TIV xabarida. 

Armaniston Tashqi ishlar vazirligi Ozarbayjonning bunday harakatlari arman tomonining mintaqada barqarorlik va tinchlik o‘rnatishga qaratilgan sa’y-harakatlariga putur yetkazishini ta’kidladi. 

Joriy yilning 12 dekabr kuni o‘zini ekologlar deb tanishtirgan bir guruh ozarbayjonliklar Armaniston va Tog‘li Qorabog‘ni bog‘lovchi yagona yo‘l bo‘lgan Lochin yo‘lagini to‘sib qo‘ydi. Yerevan bu qadamni rasmiy Baku tomonidan tan olinmagan respublikada gumanitar falokat yaratishga qaratilgan provokatsiya sifatida baholadi.

Ozarbayjon nodavlat notijorat tashkilotlari (NNT) vakillari Qorabog‘ viloyatidagi Shusha-Lochin yo‘lida rossiyalik harbiylarning vaqtinchalik nazorati ostidagi hududlarni kuzatish taqiqlanganini qoralagan mitingni hamon davom ettirmoqda. 

Faollar ekologik terror, konlardan noqonuniy foydalanishga qarshi shiorlar aytmoqda, Rossiyaning Qorabog‘dagi harbiy kontingenti qo‘mondoni Andrey Volkov bilan uchrashishni talab qilmoqda.