“Авиасозлар” бозоридаги ёнғинга нима сабаб бўлди? Компенсация қоплаб бериладими?

Жорий йилнинг 13 декабрь куни Тошкент шаҳрининг Яшнобод туманидаги “Авиасозлар” бозорида ёнғин содир бўлди. QALAMPIR.UZ ёнғин тафсилотларини ўрганиш учун воқеа жойига етиб борди.

Билдирилишича, соат 01:30 да  Бешариқ кўчасида жойлашган бозорнинг маъмурий биноларидан бири ёнаётгани ҳақидаги хабар пойтахт ФВБга келиб тушган. Қутқарув экипажлари соат 01:34 да воқеа жойига етиб бориб, ёнғинни ўчириш ишларига киришган. Ёнғин 02:29 да қуршаб олиниб, тўлиқ 03:03 да ўчирилган. Ҳодиса оқибатида тан жароҳати олган фуқаролар тўғрисида хабар келиб тушмаган.

“Оловда ҳўл-у қуруқ баравар ёнади”, деганларидек, тадбиркорларнинг дўкондаги барча маҳсулотлари ёниб кетган. Бироқ ёнғин сабаблари ҳақида уларнинг ҳам ўз айтар гаплари бор.

“12 ойда биз бир мартта шундай савдо қиламиз. Савдо қиламиз деб бир қанча маҳсулотлар сотиб олинган. Нимадир пул қиламиз деб янги йилга ҳаракат қилган жойимиз эди. Мана ҳамма нарсамиз ёниб кетди. Ҳеч кимда пул йўқ. Ҳаммамиз кредит олган эдик”, дейди сотувчилардан бири

“Бу ерда маҳсулотим жуда кўп бўлмаган. Сабаби мен кунлик сут-қаттиқ маҳсулотларини сотаман. Кечқурун 6 млн 146 минг астатка олиб чиқиб кетган эдим. Аммо маиший техника: музлаткич, кондиционер ва бошқа ҳамма нарсам ёниб кетган. Ҳеч нарсам қолмаган”, дейди тадбиркор аёл.

Ушбу репортажни тўлиқ шаклда юқоридаги видеоплеерда ёки QALAMPIR.UZ’нинг YouTube-каналида томоша қилишингиз мумкин.