Араб дунёсининг энг бой миллиардерларидан бири вафот этди
Олам
−
18 Декабрь 2021 23696
Бирлашган Араб Амирлигининг чакана савдо билан шуғулланувчи миллиардери, дунёдаги энг бой араблардан бири Мажид ал-Футтайм вафот этди. Бу ҳақда Дубай амири Муҳаммад ибн Рошид Ал-Мактум кеча, 17 декабрь куни ўзининг Twitter саҳифасида маълум қилди.
“Дубайнинг энг муҳим ва энг буюк инсонларидан бири бўлган кашшоф тадбиркор, биродаримиз Мажид ал-Футтаймга Аллоҳ раҳм қилсин”, деган Муҳаммад ибн Рошид Ал-Мактум.
Дубай амири Мажид ал-Футтаймнинг ўлим сабабларини очиқламаган.
“Arabnews” нашри маълумотларига кўра, Мажид ал-Футтайм тахминан 1930-йилларда туғилган. У 1992 йилда Мажид ал-Футтайм (МАФ) компаниясига асос солган. Мажид ал-Футтайм Уммон банкида котиб бўлиб ишлаганидан сўнг, МАФ Яқин Шарқ ва Шимолий Африкадаги чакана савдо марказига айланган.
Шунингдек, Мажид ал-Футтайм компанияси Франциянинг Carrefour гипермаркетининг франчайзи бўлган.
Франциянинг мазкур озиқ-овқат тармоғининг бош директори Александр Бомпард ал-Футтаймнинг ўлимини озиқ-овқат гиганти учун жуда қайғули хабар деб атади.
“Биз савдога оид умумий қарашларимизни давом эттирамиз”, деб ёзган у Twitter’даги саҳифасида.
Маълумот учун, 3,6 млрд бойликка эга ал-Футтейм "Forbes" рейтингидаги араб миллиардерлари орасида учинчи ўринда туради. 2020 йилда МАФ’нинг даромади 8,9 миллиард долларни ташкил этган.
Live
БарчасиБухорода Ғиждувон деҳқон бозори ёнмоқда.
14 Декабрь