АПЛ. “Ливерпуль” мавсум дебютантига очко улашди
Спорт
−
06 Август 2022
3519Бугун, 6 август куни Англия Премьер лигасининг 1-тури доирасида “Ливерпуль” “Фулхэм” меҳмони бўлди. Ўйин Лондондаги “Крэйвен Коттеж” стадионида ўтказилди.
Баҳс 2:2 ҳисобида жанговар дурранг билан тугади. Дастлаб, ўйиннинг 32-дақиқасида лондонликлар ҳужумчиси Митрович голландиялик Тете томонидан узатиб берилган тўпни дарвозага жойлаб қўйди. Баҳснинг 64-дақиқасида 2-таймда майдонга тушган Дарвин Нуньес ҳисобни тенглаштирди. 72-дақиқада Митрович пенальти орқали дублни расмийлаштириб, жамоасини олдинга олиб чиқди.
Учрашув 80-дақиқасига келиб мисрлик ҳужумчи Муҳаммад Салоҳ янги мавсумдаги илк голини киритди. Шу тариқа, “Ливерпуль” Англия чемпионатини дурранг билан бошлаб олди.
“Фулхэм” – “Ливерпуль” 2:2
Голлар: 0:1 – Митрович (32), 1:1 – Нуньес (64), 2:1 Митрович (п), (72), 2:2 Салоҳ (80)
Фулхэм – Родак, Тете, Адарабиойо, Рим, Робинсон, Х.Рид, Палинья, Б.Рид (Даффи, 90+4), Кебано (Соломон, 66), Перейра (Кэрни, 89), Митрович.
Ливерпуль – Алиссон, Робертсон, Ван Дейк, Матип, Т.А.Арнолд, Хендерсон, Фабиньо (Милнер, 59), Тьяго (Эллиот, 51), Салоҳ, Фирмино (Нуньес, 51), Диас (Карвалью, 80).
Огоҳлантиришлар: Тете (17), Б.Рид (90)
Маълумот учун, кейинги турда “Фулхэм” сафарда “Вулверхэмптон” билан ўйнайди. “Ливерпуль” эса ўз майдонида “Кристал Пэлас”ни қабул қилади.
Иброҳим Давронов
LiveБарчаси
07 Ноябрь 2023
07 Ноябрь 2023
07 Ноябрь 2023
07 Ноябрь 2023