APEX BANK Buxoroda yangi bank xizmatlari markazini ochdi

Biznes

−

18:52 visibility307 timer2 daqiqa

Joriy yilning 5 oktyabr kuni Buxoro shahrida APEX BANK’ning yangi bank xizmatlari markazi tantanali ravishda ochildi. Yangi markaz bankning hududdagi xizmat ko‘rsatish tarmog‘ini kengaytirib, aholi va tadbirkorlarga zarur bank xizmatlaridan foydalanish hamda moliyaviy ehtiyojlariga mos yechimlarni tanlash imkonini beradi.

Buxoro bank xizmatlari markazi manzili: Buxoro shahri, Islom Karimov ko‘chasi, 8-uy. Markazda jismoniy va korporativ mijozlarga xizmat ko‘rsatiladi. Jismoniy shaxslar omonatlarni rasmiylashtirish, to‘lovlar va pul o‘tkazmalarini amalga oshirish, shuningdek, shaxsiy moliyani boshqarish uchun APEX BANK’ning turli bank mahsulotlaridan foydalanishlari mumkin.

Tadbirkorlar va kompaniyalar uchun hisob-kitob-kassa xizmatlari, to‘lovlarni amalga oshirish va pul mablag‘larini boshqarish, shuningdek, joriy faoliyatni moliyalashtirish va biznesni rivojlantirishga yo‘naltirilgan yechimlar taqdim etiladi.

“Buxoroda yangi markaz ochib, mijozlarimizga yanada yaqinroq bo‘layotganimizdan mamnunmiz. Biz uchun shahar aholisi va biznes vakillari zarur bank xizmatlarini qulay formatda olishi va o‘zlarining aniq vazifalariga mos yechimlarni topishi muhim. Ishonchim komilki, Buxoro markazi mijozlarimiz uchun ishonchli hamkorga aylanib, ularning reja va tashabbuslarini amalga oshirishga ko‘maklashadi”, dedi APEX BANK boshqaruv raisi o‘rinbosari Sh.R. Ikromov.

Markaz mutaxassislari mijozlarga bank mahsulotlari bilan tanishish va ularning ehtiyojlaridan kelib chiqib, mos yechimlarni tanlashda yordam beradi. Bu kundalik bank operatsiyalarini amalga oshirish, mablag‘larni jamg‘arish yoki biznesni rivojlantirish kabi turli ehtiyojlarni qamrab oladi.

Buxoro markazining ochilishi APEX BANK’ning hududlardagi faoliyatini izchil kengaytirish va mijozlarga yanada yaqin bo‘lish yo‘lidagi navbatdagi qadamdir. Bank zamonaviy moliyaviy xizmatlardan foydalanishni yanada qulaylashtirish maqsadida bank xizmatlari markazlari tarmog‘ini rivojlantirishda davom etmoqda.