Андижонда темирйўл станцияси бошлиғи пора билан қўлга тушди
3-саҳифа
−
30 Январь 2023 6402
Андижонда тадбиркордан 1 500 АҚШ доллари талаб қилган станция бошлиғи аниқланди. Бу ҳақда Бош прокуратура ҳузуридаги Департамент хабар берди.
Қайд этилишича, Андижон вилоятидаги “Қўқон минтақавий темир йўл узели” УКнинг “Андижон-1” станцияси бошлиғи “P.t.” МЧЖга аҳолига арзон нархларда кўмир етказиб беришда темир йўл харажатлари учун имтиёз берилганидан фойдаланиб, МЧЖ иш юритувчисига гўёки имтиёзлардан фойдаланишда кўмаклашишни ваъда қилган. Бунинг эвазига 1 500 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган.
“Ҳозирда ҳолат бўйича тергов ҳаракатлари ўтказилмоқда”, дейилади хабарда.
Live
Барчаси