Andijonda oqova suv tizimlarini qurish va rekonstruksiya qilish boshlandi

Ayni paytda Andijon shahrining “Sarvontepa”, “Farobiy”, “Mustakillikning 21 yilligi”, “Hamdo‘stlik” hamda “Uzumzor” mahallalarida aholi uchun tez kunlarda qulay shart-sharoitlar taqdim etish maqsadida ish jarayonlari davom etmoqda.

Prezidentning tezkor topshirig‘i va zarur yordami bilan ushbu mahallalardagi 6 mingdan ziyod xonadon, 31 ming aholi foydalanishi uchun oqova suv tizimlarini butkul yangilash vazifasi amalga oshirilmoqda. Mazkur loyiha yakunida yana qo‘shimcha 10 ming aholining ham xonadonlari yangi kanalizatsiya tizimiga ulanishi rejaga kiritilgan.

Eslatib o‘tamiz, avvalroq Prezident Administratsiyasi rahbari Saida Mirziyoyevaning Andijondagi aholi muammolarini bevosita joyiga chiqib o‘rganish davomida hududda kanalizatsiya tarmog‘ini va ushbu quvurlar olib o‘tilayotgan eski yo‘llarni to‘liq ta’mirlash kerakligi aniqlanib, davlatimiz rahbariga axborot berilgan edi.