Алаба ўз клубини банкротликдан сақлаб қолмоқчи

Спорт

−

24 Ноябрь 2021 visibility6112 timer1 дақиқа

Австрия терма жамоаси ва Мадриднинг “Реал” клуби ҳимоячиси Давид Алаба ўзи фаолият бошлаган клубни банкротликдан сақлаб қолмоқчи. Бу ҳақда AS нашри хабар берди.

Маълумотларга кўра, 29 ёшли футболчи Австриянинг “Вена” клубини сақлаб қолиш учун инвестиция фонди билан музокаралар олиб бормоқда.

Жамоанинг умумий қарзлари йиғиндиси 12,5 миллион еврога тенг. Агар кейинги ҳафтага қадар қарзлар тўланмаса, бу клубнинг банкрот бўлишига олиб келиши мумкин.

Эслатиб ўтамиз, жорий йилнинг июль ойида Алаба “Реал Мадрид” клубига кўчиб ўтган ва тўрт йиллик шартнома имзолаган эди. Футболчининг йиллик маоши 11 миллион еврони ташкил этади.

Маълумот учун, Алаба 2007-2008 йилги мавсумда “Вена” жамоасида ўтказган ва шундан сўнг, “Бавария” билан шартноа имзолаган.

Мақола муаллифи