АҚШда яна ўрмон ёнғинлари авж олмоқда 

АҚШда кузатилаётган даҳшатли ёнғинлар Аризона штатида ўнлаб уйларни йўқ қилди ва Нью-Мексико штатидаги кўплаб кичик қишлоқларни хавф остига қўйди.  

“Бу жуда хаотик вазият”, дейди ёнғин бўйича таҳлилчи Стюарт Тернер. 

Аризона шимолидаги тоғли шаҳарчанинг чеккасида ишлаётган ўт ўчирувчиларга кеча, 22 апрель куни ёғган енгил қор, кучли ёмғир ва совуқ ҳаво ёрдам берган. Аммо қулай об-ҳаво узоқ давом этмаган. 

Миллий идоралараро ёнғин маркази маълумотларига кўра, бригадалар 22 апрель куни бутун мамлакат бўйлаб ўндан ортиқ йирик ёнғинларга қарши курашган. 1600 дан ортиқ ўт ўчирувчилар Нью-Мексикода олтита ва Аризонада учта ёнғинга қарши курашган. 

Нью-Мексико губернатори Мишель Лухан Гришам ёнғинлар сабабли тўртта округда фавқулодда ҳолат декларациясини имзолаган.  

Олимларнинг таъкидлашича, ўрмон ёнғинлари Ғарбда ўзгарувчан шароитлар, жумладан, эрта қор эриши ва кузги ёмғирларни ҳисобга олган ҳолда йил давомида хавф туғдиради. Муаммолар 20 йилдан ортиқ давом этган мега-қурғоқчилик туфайли янада кучаймоқда. 

Миллий об-ҳаво хизмати маълумотларига кўра, 22 апрель куни Денвер ҳудудида ёнғин хавфи 80-йилларнинг ноқулай ҳарорати, кучли шамол ва жуда қуруқ шароитлар туфайли ўн йилдан ортиқ вақт ичида энг юқори бўлган.