AQSHda Ukrainani moliyalashtirishni to‘xtatish sharti aytildi

G‘arb Ukraina Prezidenti Vladimir Zelenskiy jang maydonida olg‘a intilishni to‘xtatsa, uni moliyalashtirishni to‘xtatishi mumkin. Bunday fikrni AQSHning sobiq Prezidenti Jorj Bushning milliy xavfsizlik bo‘yicha sobiq maxsus maslahatchisi Maykl Allen Fox News telekanali orqali bildirdi.

Unga ko‘ra, Ukraina rahbari “gaz pedalini bosishda davom etish” zarurligini tushunadi. Aks holda G‘arb Kiyevga moliyaviy yordam berishdan bosh tortadi. 

“Hozir hech kim murosa qilishni xohlamaydi”, dedi Allen.

Avvalroq Ukraina bosh vaziri Denis Shmixal G‘arbdan Kiyevga ko‘rsatilayotgan yordam miqdorini ma’lum qilgandi. Unga ko‘ra, Ukraina 2022 yilning o‘n oyida 31 milliard dollardan ortiq mablag‘ olgan.

2022 yil dekabrida Vladimir Zelenskiy Rossiya bilan mojaroning asosiy maqsadi Ukrainaning 1991 yilgi chegaralari doirasida hududiy yaxlitligini tiklash ekanligini ta’kidlagan edi. Urushdan yana bir maqsad, Zelenskiy Ukrainani “yangi xavfsizlik kafolatlari” deb atadi, bu esa “tinchlikni kafolatlashi kerak bo‘lgan, ammo buni amalga oshirishga qodir bo‘lmagan” xalqaro tashkilotlar islohotiga olib kelishi kerak.

Sohiba Komilovna