АҚШ Украинага яна 53 миллион доллар ажратди

Америка Қўшма Штатлари Россиянинг ракета зарбаларидан сўнг Киевга мамлакат энергетика инфратузилмасини тиклашда ёрдам бериш учун Украинага электр тармоқлари ускуналарини сотиб олишга 53 миллион доллар ажратилишини эълон қилди. 

“Ушбу жиҳозлар украиналикларга қишдан ўтишларига ёрдам бериш учун шошилинч равишда Украинага етказилади”, дейилади Давлат департаменти баёнотида.  

Украина учун пакетга тарқатувчи трансформаторлар, ўчиргичлар, кучланиш тўхтатувчилари ва бошқа жиҳозлар киради. 

Бу ёрдам Украинанинг энергетика секторига фавқулодда ёрдам сифатида берилган 55 миллион АҚШ долларига қўшимча бўлиб Россия ўққа тутилишидан жабр кўрган маҳаллий муниципалитетларга фавқулодда энергия ва иссиқлик таъминотини тиклашга ёрдам беради. 

“АҚШ иттифоқчи ва ҳамкорлардан Украинага қўшимча ёрдам кўрсатиш имкониятларини аниқлайди”, дейилади Давлат департаменти баёнотида.  

Бундан ташқари, АҚШ Украина энергетика тизимини тиклаш ва таъмирлаш бўйича узоқ муддатли ечимларни ишлаб чиқиш билан бир қаторда Украинанинг энергия алмашинувини ривожлантириш ва Россия энергиясидан мустақил энергия тизимини яратишга қаратилган саъй-ҳаракатларига ёрдам беради. 

Россиянинг Украинага бостириб кириши бошланганидан бери Қўшма Штатлар Украинага тахминан 32 миллиард доллар ёрдам кўрсатди, жумладан,Украина энергетика секторини таъмирлаш, сақлаш ва мустаҳкамлаш учун 145 миллион доллар. 

Қўшма Штатлар, шунингдек, Украинага ядровий хавфсизлик, ЕИ интеграцияси ва минтақавий электр энергияси савдоси каби соҳаларда, шунингдек, табиий газни ривожлантиришда ёрдам беради. 

Россиянинг Украина инфратузилмасига қарши ракета зарбалари тўлқинидан бир ҳафта ўтиб, мамлакатдаги миллионлаб тинч аҳоли ҳамон электр ва иссиқликсиз қолмоқда. Украина электр таъминотини тиклашга ҳаракат қилмоқда. 

Киев ҳукумати Украина пойтахти бўйлаб Рождество арчаларини чироқсиз қўйишни режалаштирмоқда, бу эса Киев аҳолиси синмаганлигини ва Россия ҳужумлари ва таҳдидларига қарамай, шаҳарда ҳаёт давом этаётганини намойиш этади. 

“Укрэнерго” маълумотларига кўра, 15 ноябрдаги йирик ракета ҳужумидан сўнг Украинада деярли зарар кўрмаган иссиқлик ва гидроелектростанциялар, шунингдек, тугунли подстанциялар йўқ. 

Октябрь ойидан бери Россия Украинанинг электр ва иссиқлик инфратузилмасига қарши кенг кўламли зарбалар бермоқда, Вашингтон буни тинч аҳолига зарар етказиш мақсадида қилинган кампания ва шунинг учун уруш жинояти деб билади.