АҚШ Ойга тааллуқли халқаро битим лойиҳасини тайёрлашни бошлади

Олам 2078
image

Америка Қўшма Штатлари маъмурияти Ойда ресурслар қазиб олиш бўйича халқаро битим лойиҳасини тайёрламоқда. Бу ҳақда “Reuters” ахборот агентлиги хабар бермоқда.

Агентлик маълумотларига кўра, ушбу келишув қатор шерик-давлатларни ўз ичига олган. Бироқ улар орасида Россия биринчи босқичга киритилмаган, чунки Пентагон Россия йўлдошларининг “таҳдидли” маневрларидан хавотирдалигини билдирган.

Шартнома Американинг Artemis ой дастури шарафига Artemis деб номлаш керак, деди манбалар.

Унинг моҳияти Ойда “хавфсизлик зоналарини” яратишдир. Бундан ташқари, у компанияларга ойда қазиб олинган ресурсларга эгалик ҳуқуқини ўрнатишга имкон берадиган қоидаларни ишлаб чиқади.

Манбалар, шунингдек, лойиҳа ҳали АҚШнинг иттифоқчиларига тақдим этилмаганлигини, аммо Вашингтон келгуси ҳафталарда Канада, Япония ва Европа Иттифоқи ҳамда Бирлашган Араб Амирликлари билан расмий музокараларни бошлаш ниятида эканлигини билдирди.

Маълумот ўрнида, 2019 йилда NASA уч босқичдан иборат бўлган Artemis ой дастурининг лойиҳасини эълон қилди. Биринчиси, Orion кемасининг 2020 йил иккинчи ярмида Ой атрофида учиши ва Ерга қайтишини ўз ичига олади. Иккинчи босқич 2022 йилгача режалаштирилган ва бортда экипаж билан табиий Ер сунъий йўлдошининг парвозини ўз ичига олади. Миссиянинг учинчи босқичида, NASA 2024 йилда астронавтларни Ойга қўндиришни режалаштирмоқда.

 

Сарвар Анвар ўғли
Мақолага баҳо беринг
Баҳолаганлар: 36
Рейтинг: 2.8
Теглар
t
×