АҚШ Исроилга қўшимча қуроллар партиясини етказиб беришга рози бўлди

Америка Қўшма Штатлари Исроилга миллиардлаб долларлик бомба ва қирувчи самолётларни топширишга рухсат берди. Бу ҳақда вазиятдан хабардор икки манбага таяниб, “Reuters” агентлиги хабар берди.

Янги ёрдам пакетига 1800 дан ортиқ МК84 бомбалари (вазнлари тахминан 900 кг) ва 500 та МК82 бомбалари (вазнлари 227 кг) киради.

Пакет Исроилнинг давом этаётган бомбардимон кампанияси ва Ғазо секторидаги қуруқлик ҳужуми туфайли қаттиқ халқаро танқид остига олинган ва Демократик партиядан Президент Жо Байден учун АҚШнинг Исроилга ҳарбий ёрдамини тўхтатишга чақирган пайтга тўғри келди.

АҚШ Исроилни ҳаво ҳужумидан мудофаа ва ўқ-дорилар билан таъминлайди, бироқ баъзи демократлар ва араб америкалик гуруҳлар Байден маъмуриятининг Исроилни қўллаб-қувватлаётганини танқид қилди. Уларнинг фикрича, бу Биньямин Нетаньяху кабинетига жазосиз қолиш ҳиссини беради.

Кеча, 29 март куни Байден кўплаб араб америкаликлар Ғазодаги уруш ва АҚШнинг Исроилни қўллаб-қувватлашидан жабрланганини тан олди. Шу билан бирга, у Исроил Бош вазири Биньямин Нетаньяху билан тобора кескин ва оммавий келишмовчиликларга қарамай, Исроилни қўллаб-қувватлашни давом эттиришга ваъда берди.

Қурол келишуви Исроил Мудофаа вазири Йоав Галантнинг шу ҳафта Вашингтонга ташрифи ортидан амалга оширилди ва у бу сафар давомида америкалик расмийлар билан Исроилнинг қуролга бўлган эҳтиёжини муҳокама қилди.

26 март куни журналистларга берган интервьюсида Галант икки иттифоқчи ўртасидаги зиддиятни юмшатиш мақсадида АҚШ билан алоқалар ўз мамлакати хавфсизлиги, шунингдек, Исроилнинг минтақадаги “сифатли ҳарбий устунлигини”, жумладан, ҳаво имкониятларини сақлаб қолиш учун муҳимлигини таъкидлади. 

Маълумот учун, 2023 йил 7 октябрь куни ҲАМАС Исроилга ҳужум қилиб, Исроил ҳисобларига кўра, 1200 кишини ўлдирган ва 253 кишини гаровга олганидан кейин бошланган. Бунга жавобан Исроил Ғазо секторида ҲАМАСга қарши ҳаво ва қуруқликдан ҳужум бошлади, бу эса Ғазодаги соғлиқни сақлаш идораларига кўра, 32 мингдан ортиқ одамнинг ҳаётига зомин бўлди.