АҚШ гипертовушли ракетани муваффақиятли синовдан ўтказди
Олам
−
17 Май 2022 7404
АҚШ Ҳарбий-ҳаво кучлари жорий йилнинг 14 май куни илғор гипертовушли қанотли ракетани (ARRW) муваффақиятли синовдан ўтказди. Бу ҳақда Ҳарбий-ҳаво кучлари баёнотида айтилган.
Ракета синови Калифорниянинг жанубий қирғоғида амалга оширилган. Ракетанинг тезлиги товуш тезлигидан беш баравар юқори бўлган.
“Бу ҳарбий соҳани ривожлантириш гуруҳи ва ҳаво кучларимиз учун катта ютуқ бўлди”, дейди АҚШ Ҳарбий-ҳаво кучларининг қуроллар дастури бошлиғи Хит Коллинз.
Синов ушбу қанотли ракетанинг авиаташувчидан биринчи марта учирилишидир.
Апрель ойи бошида Пентагоннинг илғор тадқиқот лойиҳалари агентлиги Lockheed Martin гипертовушли ракетасининг синов парвозлари муваффақиятли ўтказилганини эълон қилди. Синов пайтида ракета 5 Махдан (1 мах – соатига 5 994,006 километр) юқори тезликка етишга муваффақ бўлган, тахминан 12 километр баландликка кўтарилган ва 550 километрга яқин парвоз қилган.
Live
Барчаси