АҚШ эсминецининг Қора денгизга кириш мақсади маълум бўлди

Олам

image

АҚШнинг бошқарилувчи ракета қурилмалари билан жиҳозланган Ross эсминеци Қора денгизга киргани сабаби очиқланди. Маълум бўлишича, бундан мақсад “хавфсизлик операциялари ва денгизда минтақавий барқарорликни ошириш” бўлган. Бу ҳақида АҚШ ҳарбий денгиз кучлари маълум қилмоқда. 

“Бундай ташрифлар билан биз Қора денгиздаги ҳамкорларимиз билан алоқаларни изчил мустаҳкамлаб борамиз. Ушбу операция хавфсиз денгиз муҳитини яратиш ва ҳаракатланиш эркинлигини таъминлаш учун жуда муҳимдир”, дейди кема командири. 

Эсминец ҳаракати НAТОга аъзо давлатлар ўртасидаги ҳамкорликни янада кенгайтиришга, шунингдек, 2014 йилдан бери ўтказиб келинаётган Aтлантика муаммолари операцияси доирасида хавфсизликни таъминлашга қаратилган. Ушбу операция муносабати билан Россия ташқи ишлар вазирлиги AҚШ томонини минтақадаги вазиятни беқарорлаштиришда бир неча бор айблаган.

Эслатиб ўтамиз, Ross эсминеци 22 февраль куни Қора денгизга кирган эди. Босфор бўғозини кесиб ўтган кема суратларида унга ҳамроҳ бўлган турк сув ости кемасини ҳам пайқашган.


Мақола муаллифи

Теглар

АҚШ Қора денгиз

Баҳолаганлар

149

Рейтинг

2.9

Мақолага баҳо беринг

Дўстларингиз билан улашинг