ADM Jizzakh Ўзбекистонда Chery гибрид автомобиллари ва электромобилларини ишлаб чиқаришни бошлади

Ўзбекистондаги энг йирик автомобиль ишлаб чиқарувчилардан бири бўлган ADM Jizzakh, Chery International билан ҳамкорликда гибрид автомобиллар ва эелектромобиллар ишлаб чиқаришни бошлаганини эълон қилди.

Қарор ADM Jizzax раҳбариятининг Хитойнинг етакчи автомобиль ишлаб чиқарувчилардан бири бўлган Chery компанияси раҳбарияти билан учрашувидан сўнг қабул қилинди.

Учрашув натижаларига кўра, Chery  ADM Jizzakh билан биргаликда автомобилларни тўлиқ циклда ишлаб чиқариш, шу жумладан, кузовларни пайвандлаш ва бўяш, йиғиш, автомобилларни синовдан ўтказишни (CКD) ташкил этиш ниятини тасдиқлади.

Ўзбекистондаги ADM Jizzakh томонидан CКД услубида йиғилувчи моделлар томонларнинг Ўзбекистон автомобиль бозорини таҳлил қилиши натижаларига кўра танланади, шунга қарамай, моделлар қатори қуйидаги платформалардан иборат бўлади деб тахмин қилинмоқда:

- Tiggo оиласи, шу жумладан, гибрид моделлар (PHEV)
- Arrizo оиласи, шу жумладан, гибрид моделлар (PHEV)
- электромобиллар.

Моделлар қатори, Chery  компаниясининг режаларига мувофиқ доимий равишда янгиланиб боради.

Музокаралар давомида томонлар, янги иш ўринлари яратиш ва мамлакат иқтисодиётини рағбатлантириш имкониятларини яратувчи Ўзбекистондаги ишлаб чиқариш қувватларини кенгайтириш имкониятларини ҳам муҳокама қилдилар.

Бундан ташқари, ADM Jizzakh ва Chery  компанияси вакиллари Ўзбекистон бозори учун мавжуд бўлган Chery автомобиллари моделлари қаторини кенгайтириш имкониятини кўриб чиқдилар. Бу кам чиқиндилар чиқарувчи ва энергиядан самарали фойдаланувчи автомобилларга ортиб бораётган талабни қондириш имконини беради

Chery  билан бу борадаги ҳамкорлик, Ўзбекистонда экологик тоза технологияларни ривожлантиришда муҳим одим бўлади. Ушбу ҳамкорлик орқали ўзбекистонлик истеъмолчилар халқаро сифат ва экологик хавфсизлик стандартларига жавоб берадиган кенг турдаги автомобиллардан фойдаланиш имкониятига эга бўладилар.

ADM Jizzakh инновацияларга ва ўз маҳсулотларини яхшилашга, шунингдек, халқаро бозорларда ўз иштирокини кенгайтиришга интилиб келмоқда. Chery билан ҳамкорликда компания ўзбек ва халқаро истеъмолчилар талабларига жавоб берадиган янги авлод автомобилларини яратиш устида иш олиб боради.

Chery Uzbekistan расмий саҳифаларимизда кузатиб боринг:

Батафсил маълумот учун сайтимизга ташриф буюринг www.cheryauto.uz

Instagram’да янгиликлардан бохабар бўлинг

Telegram каналимизга аъзо бўлинг

Telegram бот @cheryuzbekistanbot

Facebook’да дўстларингиз билан бўлишинг

YouTube'да бизни кузатиб боринг

Ишонч телефони: +99890 71 276 55 55

Реклама ҳуқуқи асосида