Абдусатторов жаҳоннинг энг кучли шахматчилари учлигига кирди
Sport
−
21 June 6883 1 minute
Нодирбек Абдусатторов блиц йўналиши бўйича жаҳон рейтингида учинчи ўринга кўтарилди ва мазкур форматдаги энг кучли шахматчилардан бири эканини яна бир бор тасдиқлади.
Янгиланган рейтинг натижаларига кўра, Абдусатторов 2802,5 рейтинг очкосини жамғариб, ўз мавқеини икки поғонага яхшилади.
Рейтингда ўзбекистонлик шахматчи фақат Магнус Карлсен ва Хикару Накамурадан кейин жойлашган. Шу тариқа, у жаҳоннинг энг кучли уч нафар блиц шахматчиси қаторида мустаҳкам ўрин эгаллади.
Эслатиб ўтамиз, жорий йилнинг 14–23 май кунлари Руминия пойтахти Бухарест шаҳрида Super Chess Classic Romania 2026 турнири ўтказилганди. Унда қатнашган ўзбекистонлик шахматчи Жавоҳир Синдоров 3-ўринни қўлга киритди ва 42,5 минг доллар ютиб олганди.
Live
All
