Абдусатторов халқаро турнирнинг ярим финалига йўл олди
Спорт
−
05 Апрель 2023 6810
Шахмат бўйича “Chessable Masters” халқаро турнири баҳслари давом этмоқда. Мусобақада иштирок этаётган ўзбекистонлик гроссмейстер Нодирбек Абдусатторов ғолиблик учун курашяпти.
Плей-офф тизимида ўтаётган турнирнинг 1/4 финалида Нодирбек ҳиндистонлик Аржун Эригаисини 2,5 : 1,5 ҳисобларида мағлубиятга учратди ва ярим финалга йўл олди.
Бугун, 5 апрель куни Абдусатторов мусобақанинг 1/2 финалида россиялик Денис Лазавикка қарши баҳс олиб боради. Ғолиб шахматчи турнирнинг финал босқичига чиқади.
Эслатиб ўтамиз, Нодирбек мазкур турнирнинг 1-кунида ҳиндистонлик Видит Гужратини 2:0 ҳисобида мағлуб этганди. 4 апрель кунги баҳсларда эса Абдусатторов нидерландиялик гроссмейстер Аниш Гиридан устун келди.
Live
Барчаси