4 yashar bolani mashinaning yukxonasiga solib qo‘ygan erkakka nisbatan jinoiy ish ochildi
3-sahifa
−
17 may 2024 7523 1 daqiqa
Avvalroq Qo‘qonda noma’lum erkak yosh bolani mashinasining yukxonasiga solib qo‘ygani haqida xabar berilgandi. Mazkur holat yuzasidan jinoyat ishi qo‘zg‘atildi. Bu haqda Bosh prokuratura matbuot kotibi Hayot Shamsutdinov ma’lum qildi.
Qayd etilishicha, Qo‘qonda sodir bo‘lgan holat prokuratura organlari tomonidan nazoratga olindi.
Voyaga yetmagan bolani onasining murojaatiga asosan Jinoyat kodeksining 138-moddasi (Zo‘rlik ishlatib, g‘ayriqonuniy ravishda ozodlikdan mahrum qilish) bilan jinoyat ishi qo‘zg‘atilgan.
“Gumonlanuvchi shaxs protsessual tartibda ushlandi. Qo‘qon shahar IIB huzuridagi Tergov bo‘limi tomonidan tergov harakatlari olib borilmoqda”, deyiladi xabarda.
Eslatib o‘tamiz, oldinroq ushbu voqea yuzasidan Ma’muriy javobgarlik to‘g‘risidagi kodeksning 183-moddasi tartibida hujjatlar rasmiylashtirilib, tegishli sud organiga yuborilgandi.
Live
Barchasi