4 яшар бола дунёдаги энг ақллилар ташкилотига аъзо бўлди

Олам

image
0:00
0:00
download

Икки ёшлигидаёқ ўзи мустақил ўқишни ўрганган бола Буюк Британиянинг Mensa ташкилотининг энг ёш аъзоси сифатида қабул қилинди. Бу ҳақда BBC хабар берди.

Қайд этилишича, Британиянинг Портисхед шаҳрида яшовчи тўрт ёшли Тедди она тилидан ташқари, олтита тилда, жумладан, мандарин тили (Хитойда аксарият аҳоли сўзлашадиган расмий тил)да 100 гача санай олади. Теддининг онаси Бет Хоббснинг айтишича, у атиги 26 ойлигида болалар телеканалларини томоша қилиш ва ҳарфларнинг товушларига тақлид қилиш орқали ўқишни ўрганган.

“У ёзувларни кузатишни бошлади ва шунинг учун биз уни пандемиядан кейин болалар боғчасига юбордик. Бизга болалар боғчасидан қўнғироқ қилишди ва у ўқий олишини айтишди”, дейди Теддининг онаси Бет Хоббс.

Айнан шу нарса Теддининг ота-онасини ҳайратда қолдирган. У планшетида ўйнаб, нотаниш товушларни чиқара бошлаган. Боладан бу нима эканини сўрашганида, у “Она, мен мандарин тилида санаяпман”, деб жавоб берган.

Шундан сўнг ундан Mensa ташкилоти томонидан тасдиқланган разведка тестини олиб кўришган. Бу синовда у 98 фоиздан юқори балл тўплаб, ташкилотга қабул қилинган.

Маълумот учун, Mensa дунёдаги энг катта ва энг қадимги юқори IQ жамиятидир. Бу нотижорат ташкилот бўлиб, инсоният манфаати учун инсон ақл-заковатини аниқлаш ва ривожлантириш, интеллектнинг табиати, хусусиятлари ва фойдаланиш бўйича тадқиқотларни рағбатлантириш ва ўз аъзолари учун рағбатлантирувчи интеллектуал ва ижтимоий муҳитни таъминлаш билан шуғулланади.

Алибек Бейжанов


Мақола муаллифи

avatar

.

Теглар

Баҳолаганлар

0

Рейтинг

3

Мақолага баҳо беринг

Дўстларингиз билан улашинг

online_predictionLive

Барчасиcall_made