30 ёшда мия қариши. Бунинг олдини олиш мумкинми?

Саломатлик 7872
image

Одам асаб тизимининг асосий органи — мия қаришга мойил ва баъзи ҳолларда бу жуда эрта содир бўлиши мумкин. Амалиётда хотира билан боғлиқ муаммолар ўттиз ёшга келиб пайдо бўлиши мумкин. Бу ҳақда психофизиолог Вячеслав Лебедев маълумот берди. 

“Шундай бўладики, одамлар маълумотни ёмонроқ эслай бошлайди ва хотирадан шикоят қилади. Бундай муаммолар қариликда эмас, балки ёшликда ҳам пайдо бўлиши мумкин. Масалан, ўттиз ёшгача бўлган киши бир қатор вазифаларни бажаради, иш бўйича кўп сонли хатларга жавоб беради ва бир мунча вақт ўтгач, унга буларни қилиш қийин бўлиб қолади. Бу когнитив бузилиш деб аталади”, деган шифокор. 

Мутахассисга кўра, ёшликда ва ўрта ёшда бундай касалликларнинг ривожланишини секинлаштириш жуда осон. Унинг сўзларига кўра, соғлом турмуш тарзи бунга ёрдам беради. 

“Уйқу, овқатланиш ва жисмоний фаоллик — булар зарур учта элементлар. Агар улардан бири бўлмаса, биз ёмон овқатлансак ёки тартибсиз ухласак ёки кам ҳаракат қилсак, қолганлари яхши ишламайди. Булар бизнинг когнитив саломатлигимизни сақлайдиган учта устун”, деб тушунтирган Вячеслав Лебедев. 

Экспертнинг хулосасига кўра, агар соғлом турмуш тарзи орқали мия фаолиятини тиклашнинг иложи бўлмаса, шифокорга мурожаат қилиш керак.

Рушана Султонова
Мақолага баҳо беринг
Баҳолаганлар: 282
Рейтинг: 2.9
t
×