3 yoshgacha bo‘lgan bolalarga har oy nafaqa beriladi. Qirg‘izistonda!

Qirg‘izistonda 3 yoshgacha bo‘lgan bolalarga davlat nafaqasi beriladi. Bu haqda Prezident Sadir Japarov tegishli farmonni imzoladi.

Qayd etilishicha, mamlakatdagi har yoshgacha bo‘lgan bola oyiga 1 200 som (taxminan 13-14 dollar) oladi, bu daromad darajasidan qat’iy nazar har bir oilaga joriy qilinadi. To‘lovlar 2026 yil 1 iyuldan boshlanadi.

“Bugun mazkur farmon bilan Vazirlar Mahkamasiga “Bola rizqi” nafaqasi joriy etishni topshirdim. Har bir bola o‘z rizqi – o‘z baxti va ne’mati bilan tug‘iladi. Ba’zilar suiiste’mol bo‘lishi mumkin, deb aytishi mumkin, lekin menimcha, birgina haqiqatan muhtoj bola ham yordam va oziq‑ovqatsiz qolmasligi uchun davlat bir necha qo‘shimcha nafaqa bersa yaxshi. Men Qirg‘izistonda biror bola ortda qolmasligi, e’tibordan chetda qolmasligi uchun shunday tizim yaratmoqdaman. Biz qilayotgan barcha ishlar bolalarimiz va Qirg‘izistonning kelajagi uchun. Ishonchim komilki, davom etayotgan iqtisodiy o‘sish kelgusi yillarda nafaqat qashshoqlikni yengadi, balki har bir Qirg‘iziston fuqarosiga munosib hayotni kafolatlaydi,” deydi Prezident.

Davlat rahbarining aytishicha, ushbu hujjat fuqarolarning ko‘plab murojaatlariga javob bo‘lib, bolaning rivojlanishidagi eng muhim davrda oilalarni qo‘llab‑quvvatlashga qaratilgan.

Ma’lumot uchun, Qirg‘izistonda uch yoshgacha bo‘lgan taxminan 445 000 bola yashaydi.

Eslatib o‘tamiz, avvalroq Turkmanistonda Xalqaro xotin-qizlar kuni munosabati bilan ayollar va qizlarga davlat rahbari nomidan pul sovg‘alari topshirilishi haqida xabar berilgan edi.