21 ёшли ҳайдовчи бошқарувидаги Spark ағдарилиб кетди

Жамият 3991
image

Автомобилни бошқараётган пайтда эҳтиётсизликка йўл қўйиш кўнгилсиз ҳодисаларга олиб келиши мумкин. Мана шундай эҳтиётсизлик оқибатидаги йўл-транспорт ҳодисаси Наманган вилоятида рўй берди. Бу ҳақда Ўзбекистон Республикаси ИИВ ЙҲХББ Ахборот хизмати хабар бермоқда. 

Маълум қилинишича, жорий йилнинг 13 январь куни соат 10:30 ларда Наманган вилояти Наманган тумани “Навқирон” МФЙ ҳудудида 1999 йилда туғилган ҳайдовчи А.Р. Spark русумли автомобилни бошқараётиб, ҳаракат хавфсизлигини таъминлай олмасдан бошқарувни йўқотган ва автомобиль йўлдан чиқиб кетиб ағдарилган.

Ҳодиса оқибатида тан жароҳати олганлар йўқ.

Мазкур ЙТҲ юзасидан Наманган тумани ИИБ ЙҲХБ томонидан суриштирув ишлари олиб борилиб, ҳодиса сабабларига аниқлик киритилмоқда.

Умиджон Нозимжонов
Мақолага баҳо беринг
Баҳолаганлар: 100
Рейтинг: 3.1
t
×