2024 yil O‘zbekiston Markaziy Osiyoda iqtisodiy o‘sish bo‘yicha yetakchiga aylanadi

Yevropa va Markaziy Osiyoda iqtisodiy o‘sish 2023 yilda 1,4 foizgacha, 2024 yilda esa 2,7 foizgacha oshishi kutilmoqda. Bu haqda Jahon Banki hisobotida keltirilgan.

Markaziy Osiyo mintaqasida 2023 yilda iqtisod 1,4 foizgacha o‘sishi kutilmoqda, ammo Rossiyaning Ukrainaga bostirib kirishi va uning oqibatlari o‘sish istiqbollarini noaniq qilmoqda.

So‘nggi iqtisodiy shoklarning ta’siri asta-sekin yumshatilishi hamda inflyatsiya va fiskal siyosat normallashishi kutilayotgani sababli 2024-2025 yillarda Markaziy Osiyo mintaqasida yillik o‘sish sur’ati 2,7 foizgacha oshishi kutilmoqda.

Markaziy Osiyo mamlakatlari orasida 2024 yilda o‘sish bo‘yicha birinchi o‘rinda O‘zbekiston – 5,4 foiz, Tojikiston – 5 foiz bilan ikkinchi o‘rinda qayd etilgan. Qozog‘iston va Qirg‘iziston Respublikasida o‘sish 4 foizda keltirilgan. Ammo 2023 yil uchun iqtisodiy o‘sish eng yuqori davlat deya Tojikiston (6,5 foiz) topilgan. Ikkinchi o‘rinda O‘zbekiston - 5,4 foizda qayd etilgan. Qirg‘iziston va Qozog‘istonda esa o‘sish ko‘rsatkichi past foizda ko‘rsatilgan. (3,5 foiz) 

"Jahon iqtisodiyoti qaltis vaziyatda. Sharqiy va Janubiy Osiyodan barcha tashqi muhitlar qashshoqlikka barham berish, iqlim o‘rnatishga qarshi kurashish va inson kapitalini to‘ldirish uchun zarur bo‘lgan dinamiklikdan yiroq”, deydi Jahon banki guruhining bosh iqtisodchi va iqtisodiy iqtisodiyoti bo‘yicha katta vitse-prezidenti Indermit Gill. 

Rivojlangan mamlakatlarda o‘sish 2022 yildagi 2,6 foizdan bu yil 0,7 foizgacha sekinlashgan va 2024 yilda past darajada qolishi ma’lum qilindi.

Yevrozonada iqtisodiy o‘sish 2022 yildagi 3,5 foizdan 2023 yilda 0,4 foizgacha sekinlashishi prognoz qilinmoqda, bu pul-kredit siyosatining keskinlashuvi va energiya narxlarining ko‘tarilishi ta’siri ostida davom etadi.