20 йилдан буён қидирувда бўлган мафия аъзосини Google Maps фош қилиб қўйди

Ўнлаб йиллар давомида қидирувда бўлган италиялик мафия бошлиғи Испанияда Google Maps иловасининг объективига тушиб қолганидан сўнг, ҳибсга олинди.

61 ёшли Сицилия мафияси бошлиғи Жоаккино Гаммино, ўз исмини Мануэлга ўзгартириб Испаниянинг Галапагар шаҳрида яшириниб келаётган бўлган.

Гап шундаки, шаҳарларининг 3D ўлчамли суратлари асосида дунё харитасини тузувчи “Google Street View” иловасида озиқ-овқат дўконининг деворига суяниб турган шахс полиция эътиборини тортган. Изқуварлар Google харитада суратга тушиб қолган шахс йиллар давомида қидирувда бўлган Жоаккино Гаммино эканини гумон қилган ва у олиб борилган махсус операция мобайнида қўлга олинган.  

2002 йил Рим қамоқхонасидан қочишга муваффақ бўлган Гаммино озодликда ҳам жиноят қилишда давом этган. У қидирувда бўлган даврида ҳам қотилликни амалга оширгани учун унга нисбатан умрбод қамоқ жазоси эълон қилинган. 

Маълум қилинишича, у “Стидда” номи билан танилган Сицилия мафия гуруҳининг аъзоси ва Италияда ашаддий жиноятлари учун қидирувдаги гангстерлардан бири бўлган.

Сицилия полицияси Гамминонинг Испанияда эканини тахмин қилиб келган.  Жиноятчини испаниялик Ману номи билан танилган мафия аъзоси билан гаплашиб тургани акс эган харитадаги сурати фош қилиб қўйган. 

Полиция испаниялик мафиа Мануга тегишли бўлган “Cocina de Manu” ресторанининг Facebook’даги саҳифасини кўздан кечирганида, Гамминонинг ошпаз кийимида акс этган сурати саҳифага жойланганига гувоҳ бўлган. Қизиғи, ресторан менюсидан Сицилия таомлари ҳам жой олган. 

Гаммино 2021 йил 17 декабрь куни ҳибсга олинган бўлса-да, бу ҳақда фақат 2022 йил 5 январь куни “La Repubblica” нашри хабар берган.

Беҳруз Саидов