2 hafta ichida Belgorodda 24 nafar tinch aholi halok bo‘ldi (foto)
Olam
−
25 mart
3326Joriy yilning 23 mart kuni Rossiyaning Belgorod shahri ikki marta o‘qqa tutildi. Ertalabki hujum oqibatida bir kishi vafot etdi, yana to‘rt nafar tinch aholi jarohatlangan.
Shaharda 14 ta ko‘p qavatli uy, to‘rtta shaxsiy xonadon, yengil avtomobillar va bir avtobus zarar ko‘rgan. Kechqurun Belgorod uzra havo mudofaasi tizimi ishga tushgan.
Gubernator Vyacheslav Gladkovning so‘zlariga ko‘ra, shahar va uning atrofida "o‘nta havo nishoni" urib tushirilgan. Hujum chog‘ida ikki tinch fuqaro yaralangan.
Bundan tashqari, shu kuni viloyatning shimoliy qismidagi Chernyanskiy tumanida dron hujumi oqibatida bir kishi halok bo‘lgan.
Gladkovning qayd etishicha, so‘nggi ikki hafta ichida Belgorod viloyatida 24 nafar tinch aholi, jumladan, ikki bola halok bo‘lgan.