$11 mingni ko‘paytirib berishni va’da qilgan shaxs ushlandi (video)

3-sahifa

−

15 iyun visibility4275 timer1 daqiqa

Toshkent shahrining Yashnobod tumanida fuqaroga 11 ming AQSH dollaridan ortiq pulni ko‘paytirib berishni va’da qilgan shaxs qo‘lga olindi. Bu haqda Ichki ishlar vazirligi xabar berdi.

Qayd etilishicha, A. ismli shaxs fuqaroning ishonchiga kirib, uning pulini ko‘paytirib berishni va’da qilgan va undan 8 500 AQSH dollari hamda 39 million 840 ming so‘m pul olgan. Biroq u o‘z va’dasini bajarmagan.

Bildirilishicha, mazkur holat yuzasidan Jinoyat kodeksining 168-moddasi (firibgarlik) 3-qismi bilan jinoyat ishi qo‘zg‘atilgan.

Eslatib o‘tamiz, avvalroq huquqni muhofaza qilish organlari tomonidan o‘tkazilgan tezkor-qidiruv tadbirida ijtimoiy tarmoqlarda davlat amaldorlari va mashhur shaxslar siymosi orqali reklama qilingan investitsiya platformasi ortida turgan hamda noqonuniy kripto-aktivlar aylanmasi bilan shug‘ullanib kelgan uyushgan jinoiy guruh fosh etilgan edi.

Maqola muallifi