Ҳудудларда ёпиқ муз қопламали майдонлар қурилиши белгиланди

Жамият

image

Аввалроқ, Ўзбекистон Республикаси Президентининг “Қишки спорт турларини ривожлантириш чора-тадбирлари тўғрисида”ги қарори қабул қилгани ҳақида хабар берган эдик.

Қарорнинг қисқача мазмунига эътибор бериладиган бўлса, ушбу ҳужжат билан қишки спорт турларини ривожлантириш ва оммалаштириш, Ўзбекистон спортчиларини халқаро спорт мусобақаларида муносиб иштирокини таъминлаш мақсадида Ўзбекистонда қишки спорт турларини 2020–2023 йилларда ривожлантириш дастури тасдиқланди. 

Дастурда “Ўзкўргазмасавдо” биноси базасида қишки спорт турлари (фигурали учиш, шорт-трек, кёрлинг ва бошқа) бўйича мусобақалар ўтказиш, кўргазмалар ва форумлар ўтказишга мўлжалланган замонавий муз саройи ташкил этиш назарда тутилди.

2023 йил 1 январга қадар Қишки спорт турлари ассоциацияси, Ўзбекистон хоккей федерацияси, уларнинг ҳудудий бўлинмалари, қишки спорт турлари бўйича профессионал клублари ва нодавлат болалар спорт мактаблари ҳамда мол-мулк солиғи ҳамда жалб қилинган хорижий спортчилар ва мутахассисларнинг даромадларига ижтимоий солиқ ставкаларини 50 фоизга камайтирилган ҳолда тўлайди.

Бундан ташқари, белгиланган тартибда шакллантириладиган рўйхатлар бўйича олиб келинадиган Ўзбекистонда ишлаб чиқарилмайдиган спорт асбоб-ускуналари, инвентарлари ва махсус профессионал спорт кийимлари, транспорт воситаларини олиб кирганлик учун божхона божи тўлашдан озод қилинади.

Шунингдек, 2020–2023 йилларда давлат-хусусий шериклик шартлари асосида ҳудудларда енгил конструкцияли ёпиқ муз қопламали майдонлар қурилади. 

Қарорга кўра, Ўзбекистон давлат жисмоний тарбия ва спорт университетининг бакалавриат таълим йўналишига 2020/2021 ўқув йили учун ажратилган қабул параметрларини йўналишлар бўйича тақсимлашда қишки спорт турлари учун ўрин ажратилади. 2020/2021 ўқув йилидан бошлаб мазкур университетда қишки спорт турлари кафедраси ташкил этилади.


Мақола муаллифи

Теглар

қарор Шавкат Мирзиёев қишки спорт турлари

Баҳолаганлар

27

Рейтинг

3.1

Мақолага баҳо беринг

Дўстларингиз билан улашинг