Ҳамзат Чимаев UFC'даги режасини очиқлади

Швециялик чечен UFC жангчиси Ҳамзат Чимаев мақсади ҳақида гапирди. Унинг асосий мақсади UFC'да бир-нечта камарларни қўлга киритиш.

“Мен бир нечта чемпионлик камарларини қўлга киритиб, энг яхши бўлишни хоҳлайман. Мен UFC чемпионлигини қўлга киритган оддий йигит бўлишни хоҳламайман. Менга иккита ёки учта камар керак. Буни амалга ошириш қўлимдан келадими? Ўйлайманки, Биз режалар тузишимиз мумкин, лекин охирги сўз Қодир Аллоҳга тегишли. 

Гилберт Бернс билан жангми? Ростини айтсам, мен Бернсни ҳақиқий қийинчилик деб билмайман. Жангда ҳамма нарса содир бўлиши мумкин. Лекин менда ҳар доимгидек ўзимга ишонч баланд. Мен Гилбертни кучим ва маҳоратим билан йўқ қиламан. Буни амалга оширишимни ҳис қиляпман. Бернс бошқача фикрда бўлиши мумкин, лекин мен октагонга чиқиб, олдинги жангда қилган ишимни қиламан”, деган Чимаев.

Ҳамзат Чимаев UFC'нинг энг “сершовқин” жангчиларидан бирига айланиб олди. Кўпчилик жангчилар қатори у ҳам катта кетиш, кўп пул ва машҳурлик олиб келишини тушунди. Аммо Гилберт Бернс  анойилардан эмас, у ярим ўрта вазн тоифасидаги жангчилар рейтингида 2-ўринда турибди. Ҳамзат эса ушбу рейтингда 11-поғонада қайд этилган. Қолаверса, UFC'нинг вазн тоифасидан қатъи назар энг кучли жангчиси Камару Усман ярим ўрта вазн қироли ҳисобланади. Хуллас, Ҳамзатга осон бўлмаслиги аниқ.

Маъруф Абдумаликов