Адесанья Ҳамзат ва Усмон жангини тасдиқлади

Янги зеландиялик ўрта вазн тоифасидаги UFC чемпиони Исраэль Адесанья швециялик Ҳамзат Чимаев ва негериялик собиқ чемпион Камару Усмон жанги ташкил этилишини айтди. У бу ҳақда америкалик таниқли блогер Логан Пол билан бўлган интервьюда маълум қилди.

“Ишонинг, мен бу сайёрада ҳеч кимдан қўрқмайман. Курашчилар билан аввал ҳам учрашганман, лекин Ҳамзат Чимаев бетакрор инсон. Мен қийинчиликларни яхши кўраман, бу катта кураш бўлади. Аммо ҳозир у Камару Усмoн билан жанг қилади, бу эса Ҳамзатга чемпионлик сари йўл очиб беради. Мен каттароқ балиқни кўзлаганман. Июль ойида UFC 290 турнирида октагонга чиқаман ва у ерда Роберт Уиттакер билан эмас, Дрикус Дю Плесси билан жанг қиламан”, дейди Адесанья. 

Адесаньянинг Дрикус Дю Плесси билан жанг хоҳлаётгани сабаби, ижтимоий тармоқдаги треш токинглар давомида Ду Плесис уни “Сен aфрикалик эмассан” деб мазаҳ қилган. 

Маълумот учун, Исраэль Адесанья 9 апрель куни бўлиб ўтган UFC 287 турнирида бразилиялик Алекс Перейрани иккинчи раундда нокаутга учратиб, реванш мақомидаги жангда эски чемпионлик камарини қайтариб олган.

Муҳсинжон Умурзоқов