Вальверде Тчуамени билан жанжалдан сўнг шифохонага ётқизилди – ОАВ

Аввалроқ, “Реал Мадрид”нинг икки футболчиси – Федерико Вальверде ва Орельен Тчуамени машғулотларда жанжаллашгани ҳақида хабар берилганди. Маълум бўлишича, Федерико Вальверде ушбу воқеадан сўнг шифохонага ётқизилган. Бу ҳақда “Маrcа” нашри хабар берди.

Манбага кўра, футболчилар ўртасидаги можаро шу қадар кескин тус олганки, бошқа футболчилар ва бош мураббий Альваро Арбелоа вазиятни тинчлантиришга мажбур бўлган. “Қироллик клуби” кийиниш хонасида ушбу воқеа жуда жиддий баҳоланаётгани айтилмоқда.

Маълумотларга кўра, Антонио Рюдигер ва Альваро Каррерас ўртасида ҳам можаро юзага келгани ҳақида хабарлар тарқалган. Шунингдек, “Реал Мадрид”нинг камида олти нафар футболчиси Арбелоа билан мулоқотни тўхтатгани, айрим ўйинчилар эса ўзаро ҳам гаплашмай қўйгани айтилмоқда.

Маълумот учун, ҳозирда Испания Ла Лигасининг 34-туридан сўнг “Барселона” 88 очко билан турнир жадвалида пешқадамлик қилмоқда. “Реал Мадрид” эса 77 очко билан иккинчи ўринда бормоқда.